Արցախի Հանրապետության պետական նախարար Արտակ Բեգլարյանը ֆեյսբուքյան իր էջում գրել է.
«Հարգելի’ հայրենակիցներ
Մոտ մեկ ամիս է՝ ես հայրենիքին ծառայում եմ պետական նախարարի պաշտոնում: Ինչ խոսք, սա բավականին փոքր ժամանակահատված է իմ գլխավորած կառույցի գործունեության հաշվետվության համար, սակայն մենք ապրում ենք մի այնպիսի պայմաններում, որտեղ յուրաքանչյուր օր նոր խնդիրներ ու մարտահրավերներ են ծառանում և յուրաքանչյուր օր մենք բոլորս ուժերի ներածին չափով, բայց հաճախ գերլարումով, կառուցում ենք մեր վաղվա օրը:
Եվ թե որքան անվտանգ ու բարեկեցիկ է լինելու այդ օրը՝ հավասարապես կախված է յուրաքանչյուրիս մտածողությունից ու վարքագծից: Այս պարզ ճշմարտության գիտակցմամբ՝ ձեզ հրավիրում եմ երկխոսության՝ ֆեյսբուքյան ասուլիսի ձևաչափով՝
հուլիսի 1-ին, ժամը 10:00-ին, ասուլիսը ուղիղ կհեռարձակվի իմ, տեղեկատվական շտաբի և Արցախի հանրային հեռուստատեսության ֆեյսբուքյան էջերով:
Տեսագրված տարբերակը հասանելի կլինի տվյալ էջերում, իսկ Արցախի հանրային հեռուստատեսությամբ՝ ըստ իրենց եթերացանկի:
Եթե ունեք հարցեր, դրանք նախօրոք կարող եք գրել այս գրառման տակ կամ ուղարկել [email protected] էլ. Հասցեով մինչև հունիսի 30-ը, ժամը 18:00-ը:
Ազատ ժամանակ լինելու դեպքում պատրաստ եմ պատասխանել նաև ասուլիսի ընթացքում մեկնաբանությամբ տրված հարցերին»:
