Գյումրու 31/52 ընտրատեղամասում ընտրողների ընդհանուր թիվը 807 է։ Ժամը 15։52-ի դրությամբ ընտրությանն է մասնակցել 472 քաղաքացի։
Այս պահին ընտրատեղամասում քվեարկությունը հանգիստ է ընթանում։ Իրավաբան․net-ի լրագրողի հետ զրույցում հանձնաժողովի նախագահ Նիկոլայ Խաչատրյանը նշեց, որ միջադեպեր չեն արձանագրվել։
«Մինչև հիմա ոչ մի միջադեպ չի արձանագրվել»,- ասաց նա։
Հանձնաժողովի նախագահը նշեց, որ ընտրատեղամասը փոքր է, և եթե կուտակումներ լինում են, քաղաքացիներին խնդրում են դրսում սպասել։
