Հաղթանակից հետո մեր դաշինքն անպայման նախաձեռնելու է օրենսդրական փոփոխություններ` ամրագրելով, որ պետական բարձր պաշտոնի հավակնող անձինք այսուհետ պարտադիր պետք է բժշկական ստուգում անցնեն ալկոհոլիզմի, թմրամոլության և հոգեկան շեղումների տեսանկյունից:
Նշենք, որ Արթուր Վանեցյանը գլխավորում է «Պատիվ ունեմ» դաշինքը, որը ձևավորվել է Հայաստանի Հանրապետական կուսակցության հետ, և դաշինքի վարչապետի թեկնածուն է։
Հիշեցնեք, որ Արթուր Վանեցյանը մայիսի 15-ին, «Պատիվ ունեմ» դաշինքը կազմավորելու մասին հուշագրի ստորագրման արարողության ժամանակ ասաց, որ հայրենակիցների զգալի մասն այս պահին սգակիր է և դրանում մեղավոր են բոլորը:
«Մենք պետք է լավ հասկանանք, որ կանգնած ենք պետականությունը կորցնելու և նույնիսկ բնաջնջվելու սպառնալիքի առաջ, դրա վառ ապացույցը՝ թշնամու անարգել ներխուժումն է Սյունիքի և Գեղարքունիքի տարածք: Մենք համերաշխություն ենք բերելու Հայաստանին: Մենք ամրագրում ենք՝ գիտենք, կարող ենք և կանենք: Սիրելի ժողովուրդ, իմ կոչը քեզ՝ ուղղիր մեջքդ, կպնենք գործին, որ ապրենք »,-նշեց նա:
