Արդարադատության նախարար Ռուստամ Բադասյանը ապրիլի 8-ին նոր նշանակում է կատարել նախարարությունում։ Հրամանում նշվում է․
«Ղեկավարվելով «Քաղաքացիական ծառայության մասին» օրենքի 10-րդ հոդվածի 16-րդ մասով, 16-րդ հոդվածի 3-րդ մասով, ինչպես նաև հիմք ընդունելով Արդարադատության նախարարության իրավական ակտերի փորձաքննության գործակալության պետի տեղակալի (ծածկագիր՝ 12-34.4-Ղ3-1) թափուր պաշտոնն զբաղեցնելու համար անցկացվող մրցույթի հարցազրույցն անցկացնող հանձնաժողովի 2021 թվականի ապրիլի 8-ի եզրակացությունը և Մ. Հարությունյանի դիմումը.
Հ Ր Ա Մ Ա Յ Ո Ւ Մ Ե Մ՝
Մալվինա Տիգրանի Հարությունյանին 2021 թվականի ապրիլի 9-ից նշանակել Արդարադատության նախարարության իրավական ակտերի փորձաքննության գործակալության պետի տեղակալի (ծածկագիր՝ 12-34.4-Ղ3-1) պաշտոնում։
Աշխատավարձը սահմանել՝ 310.858 ՀՀ դրամ՝ համաձայն «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքի»,-նշված է հրամանում:
