Ապրիլի 3-ին «Վանաձոր» բժշկական կենտրոնից ոստիկանության Տարոնի բաժին հաղորդում էր ստացվել, որ կրծքավանդակի ծակած-կտրած վերքով բուժօգնության է դիմել 38-ամյա մի տղամարդ։ Նրան դանակահարել էին:
Այս մասին տեղեկանում ենք ոստիկանությունից:
Հետաքննություն իրականացնող մարմինը բացահայտման ուղղությամբ անհետաձգելի միջոցառումներ ձեռնարկեց` հիվանդանոցում համապատասխան արձանագրություններ կազմելուց մինչև օպերատիվ հարցումներ: Իրավապահների հետևողական աշխատանքի շնորհիվ հաղորդումից ժամեր անց պարզվեց կասկածյալի ինքնությունը:
Քրեական հետախույզները տեղեկություններ ստացան, որ Վանաձորի Գրիգոր Լուսավորչի և Շիրվանզադեի փողոցների խաչմերուկում ծագած վիճաբանության ժամանակ տուժողին դանակահարել էր Գրիգոր Լուսավորչի փողոցի 58-ամյա մի բնակիչ:
Իրավապահների բացատրական աշխատանքի շնորհիվ կասկածվողը ներկայացավ ոստիկանության Տարոնի բաժին:
Նա տվել է խոստովանական ցուցմունք և ներկայացրել դանակը։
Նշանակվել է դատաբժշկական փորձաքննություն։
Հանգամանքները պարզվում են։
Քննությունը շարունակվում է։
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
