Ստրասբուրգում մարտի 23-24-ին անցկացվում է Եվրոպայի խորհրդի տեղական ու տարածքային իշխանությունների կոնգրեսի (Կոնգրես) 40-րդ լիագումար նստաշրջանը:
Այս մասին տեղեկանում ենք Հայաստանի համայնքների միությունից:
Նստաշրջանի առաջին օրը Կոնգրեսում Հայաստանի պատվիրակության ղեկավար, Հայաստանի համայնքների միության նախագահ, Փարաքար համայնքի ավագանու անդամ Էմին Երիցյանն ընտրվել է Եվրոպայի խորհրդի կոնգրեսի փոխնախագահ։
Նշենք, որ Էմին Երիցյանը ԵԽ Կոնգրեսի գործող փոխնախագահներից էր և նախկինում այդ պաշտոնում ընտրվել է մի քանի անգամ։
