Ոստիկանությունը շարունակում է թմրանյութերի օգտագործման և անօրինական թմրաշրջանառության դեմ հետևողական պայքարը: Մարտի 18-ին հերթական դեպքը բացահայտեցին ոստիկանության Մասիսի բաժնի ծառայողները։
Այս մասին տեղեկանում ենք ոստիկանությունից:
Քրեական հետախույզները, օպերատիվ տեղեկություններն իրացնելով, Արարատի մարզի Ազատաշեն գյուղից, «ՎԱԶ-2107» մակնիշի իր մեքենայով հանդերձ, ոստիկանության Մասիսի բաժին բերման ենթարկեցին Սարդարապատ գյուղի 54-ամյա մի բնակչի:
Նրա անձնական խուզարկությամբ հայտնաբերվեց յուրհատուկ հոտով, չորացված, մանրացված կանեփանման զանգված։
Ըստ բերման ենթարկվածի` հայտնաբերվածը թմրամիջոց է, պատրաստել է վայրաճ կանեփի թփերից` իր օգտագործման համար:
Նշանակվել է փորձաքննություն:
Հանգամանքները պարզվում են։
Քննությունը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
