Ազգային ժողովի խմբակցություններում քննարկվում է նախկին զինդատախազ Գագիկ Ջհանգիրյանի թեկնածությունը՝ Բարձրագույն դատական խորհրդի անդամի թափուր պաշտոնում։

Իրավաբան.net-ը ներկայացնում է նրա կենսագրությունը։

Գագիկ Վրեժի Ջհանգիրյանը ծնվել է 1955 թվականի ապրիլի 16-ին Արարատում։

1977թ. ավարտել է Երևանի պետական համալսարանի իրավաբանական ֆակուլտետը։

1983 թվականին պաշտպանել է գիտական թեզը «Ժամանցի ոլորտի հանցավորության քրեաբանական պրոբլեմները» թեմայով և ստացել իրավաբանական գիտությունների թեկնածուի գիտական աստիճան։

1979-1983 թվականներին սովորել է Մոսկվայի Համամիութենական դատախազության ինստիտուտում։

1970-1973թթ. «Բարձրշինտրեստ» 6-րդ շինվարչությունում աշխատել է գիշերապահ:

1977-1990թթ. եղել է ՀԽՍՀ ԳԱ փիլիսոփայության և իրավունքի ինստիտուտի լաբորանտ, կրտսեր գիտաշխատող, ավագ գիտաշխատող:

1990-1997թթ.` ՀՀ արդարադատության նախարարության դատական մարմինների վարչության պետ, նախարարի առաջին տեղակալ:

1997-2006թթ. եղել է ՀՀ զինվորական դատախազ, ՀՀ գլխավոր դատախազի տեղակալ,

2006-2008 թվականներին` ՀՀ գլխավոր դատախազի տեղակալ։

2012թ. մայիսի 6-ին ԱԺ պատգամավոր է ընտրվել համամասնական ընտրակարգով «Հայ ազգային կոնգրես» կուսակցությունների դաշինքից:

06.05.2012-13.04.2013թթ.՝ անկուսակցական: 13.04.2013թ.՝ «Հայ ազգային կոնգրես» կուսակցության վարչության անդամ:

Պարգևատրվել է մի շարք պետական պարգևներով և շքանշաններով։

Ամուսնացած է, ունի երեք զավակ։

Աղբյուրը՝ Ազգային ժողով