Դեկտեմբերի 26-ին ՀՀ տարածքային կառավարման և ենթակառուցվածքների նախարարի տեղակալ Հակոբ Վարդանյանի գլխավորած պատվիրակությունը Թեհրանում ունեցավ մի շարք հանդիպումներ: Այս մասին հայտնում է Իրանում ՀՀ դեսպանատունը։
«Իրան կատարած այցի շրջանակներում փոխնախարար Վարդանյանին ընդունեց ԻԻՀ նավթի նախարար Բիժան Նամդար Զանգանեն, որին նախորդել էին նախարարի տեղակալ Ամիր Հոսեյն Զամանինիայի հետ աշխատանքային քննարկումները:
Հանդիպումների ընթացքում քննարկվեց գազ/էլեկտրաէներգիա փոխանակման ծրագրի հետ կապված համաձայնագրերում փոփոխություններ կատարելու խնդիրը: Կողմերը համաձայնություն ձեռքբերեցին ծրագրի ժամկետի ավելացման, գազի և էլեկտրաէներգիայի ծավալների մեծացման հարցերի շուրջ, որոնց վավերացման արդյունքում Իրան-Հայաստան գազամուղը կշահագործվի լիարժեք կարողությամբ:
Հայկական պատվիրակությունը հանդիպում ունեցավ նաև ԻԻՀ էներգետիկայի նախարարությունում: Փոխնախարարներ Հակոբ Վարդանյանը և Հոմայուն Հաերին քննարկեցին 3-րդ բարձրավոլտ էլեկտրագծի կառուցման ավարտական փուլի կազմակերպական խնդիրները»,- ասված է հաղորդագրության մեջ:
![Պատկերը կարող է պարունակել. 1 հոգի, կանգնած և ներսումը, text that says 'SHANA PHOTO Hassan Hoseini'](https://scontent.fevn2-1.fna.fbcdn.net/v/t1.0-9/133690152_5201929859832101_2387797361923780581_o.jpg?_nc_cat=103&ccb=2&_nc_sid=730e14&_nc_ohc=nkGH089rUp8AX_3loEY&_nc_ht=scontent.fevn2-1.fna&oh=dbcd03abb8e914553272f4161cfcf9c6&oe=600C7973)
![Պատկերը կարող է պարունակել. 2 մարդ, նստած մարդիկ, էկրան և ներսումը](https://scontent.fevn2-1.fna.fbcdn.net/v/t1.0-9/134061297_5201930286498725_8971003954452933611_o.jpg?_nc_cat=104&ccb=2&_nc_sid=730e14&_nc_ohc=-rpKjKxFXeEAX8hMng2&_nc_ht=scontent.fevn2-1.fna&oh=7322c0ef2dc095292a0ea701bf08aad7&oe=600E04A7)