ԱԺ պատգամավոր Արման Աբովյանը Սուրբ Գայանե եկեղեցու բակում լրագրողների հետ զրույցում ասել է, եկեղեցին պառակտելու, վարկաբեկելու քաղաքականությունը, որը այսօր տարվում է, սկսվել է 2018 թվականից։
Նա նշել է, որ ինքը և ԲՀԿ-ի իր մյուս գործընկերները Գագիկ Ծառուկյանի կողմից ցուցում ունեն՝ թույլ չտալ բախումներ։
«Այո, թույլ չենք տա բախումներ լինեն։ Թույլ չենք տա, որ ինչ-որ սատանիստական ստահակներ փորձեն վարկաբեկել կամ վնասել եկեղեցուն»,-նշել է նա։
Անդրադառնալով Նիկոլ Փաշինյանը հրաժարական պահանջող հոգևորականներին, նշել է․ «Փաշինյանի հրաժարականի պահանջը քաղաքական պրոցես չէ։ Հասարակությունն է պահանջում։ Եկեղեցին լինելով ազգի ողնաշարը, արտահայտեց այն, ինչ պահանջում է հասարակությունը»,-նշել է նա։
