Վարչապետի օգնական Նաիրի Սարգսյանը ներկայացրել է «Զինծառայողների ապահովագրության» հիմնադրամի հատուցուման չափերը:
«Զինծառայողը կամ նրա ընտանիքի անդամներն ունեն լրացուցիչ ամսական 100.000 դրամ ստանալու իրավունք, եթե զինծառայողն ունի երեք կամ ավելի անչափահաս երեխա:
Հատուցումներ ստանալու համար ընտանիքի անդամները պետք է դիմեն մարզպետարան կամ թաղապետարան, որտեղ նրանց օգնում են կազմել դիմումներն ու պատրաստել ամուսնաընտանեկան կապերը հաստատող փաստաթղթերը»,-նշել է նա՝ հրապարակելով աղյուսակը։
«Զինծառայողների ապահովագրության» հիմնադրամից էլ հայտնում են, որ հարկավոր է սահմանված փաստաթղթերի փաթեթ ներկայացնել
- Մարզերում՝ մարզպետարանների իրավաբանական վարչություններ
- Երևանում ՝ թաղապետարանների իրավաբանական վարչություններ
- Արցախում՝ Պաշտպանության բանակի Սոցիալական վարչություն։
Վերոնշյալ կառույցները տրամադրում են փաստաթղթային փաթեթների պատրաստման աջակցություն:
Իրավասու գերատեսչությունները հավաքագրված փաստաթղթերը ստուգելուց հետո Հիմնադրամին են ներկայացնում հատուցման ենթակա գումարի չափը։
