Կրթության, գիտության, մշակույթի և սպորտի նախարարությունից պարզաբանում է տարածել, որում ասվում է․
«Վերջին օրերին ԶԼՄ-ներում շրջանառվում են տեղեկություններ, թե իբր ԿԳՄՍ նորանշանակ նախարար, իսկ նոյեմբերի 20-ին դեռևս ԵՊՀ Ինֆորմատիկայի և կիրառական մաթեմատիկայի ֆակուլտետի դեկան Վահրամ Դումանյանը հեղինակել է ՀՀ վարչապետի և ՀՀ կառավարության հրաժարականի պահանջի վերաբերյալ փաստաթուղթ /https://news.am/arm/news/616246.html/:
Անընդունելի համարելով իրականության խեղաթյուրման նմանօրինակ դրսևորումները՝ տեղեկացնում եմ.
- Վ. Դումանյանը հրաժարվել է մասնակցել ԵՊՀ գիտխորհրդի կողմից հրապարակված հայտարարության տեքստը պատրաստելու համար նոյեմբերի 19-ին ձևավորված աշխատանքային խմբի անդամությունից և որևէ առնչություն չի ունեցել ներկայացված տեքստի կազմման գործընթացին:
- Աշխատանքային խմբի ներկայացրած տեքստը շատ կարճ ժամանակահատվածում խմբագրվել է Վ. Դումանյանի կողմից, քանի որ չէր արտահայտում այն շեշտադրումները, որոնք ԳԽ-ի նախորդ օրվա որոշմամբ պետք է ներառվեին հայտարարության մեջ:
- Վ. Դումանյանի խմբագրած տեքստում որևէ պահանջ չկա, միայն՝ կոչ և հորդոր:
- Վ. Դումանյանի կողմից հայտարարության խմբագրված տարբերակը չի դրվել քվեարկության»:
