Ադրբեջանական ագրեսիան հետ մղելու ընթացքում զոհվել է Արարատի մարզի Շաղափ գյուղից Վան Ալանյանը։ Նա ծնվել էր 2001 թվականին։
Վանի անունը հայրենիքի համար զոհվածների ցուցակում Արցախի պաշտպանության բանակը հրապարակեց հոկտեմբերի 3-ին։
Իրավաբան.net-ի հետ զրույցում նրա հարազատներից նշեցին, որ Վանը 10 ամսվա ժամկետային զինծառայող էր։
«Բարի, լավատես, ուրախ բնավորությամբ։ Արցախյան պատերազմում իր կյանքը հանուն Արցախի նվիրաբերեց»,-նշում են հարազատները։
Վանը սովորել է Շաղափի Լևոն Ղազարյանի անվան միջնակարգ դպրոցում։
