Հայաստանի մարդու իրավունքների պաշտպան Արման Թաթոյանն այսօր ասել է, որ Արցախի դեմ Ադրբեջանական ագրեսիայի հետեւանքով քաղաքացիական խաղաղ բնակչության շրջանում կան սպանվածներ ու «ակնհայտ է ահաբեկչական մեթոդներով հարձակումներ գործելու եւ էթնիկ զտումների նպատակը»:
«ԱԹՍ-ներով հարձակումներն իրականացվում են այն քաղաքացիական օբյեկտների նկատմամբ, որոնց տարածքները կարող են լինել մարդաշատ: Այդ հարձակումները նպատակ ունեն հնարավորինս շատ վնասներ պատճառել: Հոկտեմբերի 2-ից համազարկային կրակի հրթիռներով են հարձակումներ իրականացվում, որոնք միջազգային մարդասիրական իրավունքով արգելված են, որովհետեւ դրանցով թիրախավորելիս՝ հնարավոր չէ տարբերակել քաղաքացիական եւ ռազմական օբյեկտները»,- ասել է Արման Թաթոյանը:
