Երևանի պետական բժշկական համալսարանի մասնագետները փորձել են կոտրել COVID-19-ի մասին տարածված ստերն ու միֆերը։ ԵՊԲՀ համաճարակաբանության ամբիոնի դասախոս Մերի Տեր-Ստեփանյանը խոսել է դիմակների և ձեռնոցների պատշաճ օգտագործման մասին։
Մասնագետը նշում է, որ դիմակի արդյունավետությունը ստուգելու համար շատ պարզ մեթոդ կա․ «Կարելի է վառվող մոմը պահել 10 սմ բերանից հեռու և փորձել փչելով մարել կրակը։ Եթե հաջողվում է մարել կրակը, ապա դիմակի արդյունավետությունը այնքան էլ բարձր չէ»։
Մերի Տեր-Ստեփանյանը խոսում է նաև ձեռնոցների մասին։ Նրա խոսքով՝ ձեռնոցը մեկից ավելի անգամ օգտագործել չի թույլատրվում․ «Ալկոգելով կամ այլ մաշկային հականեխիչ նյութերով մշակման ենթակա չէ։ Դրանցով ձեռնոց մշակել չի թույլատրվում»։
ԵՊԲՀ դասախոսը խորհուրդներ է տալիս նաև, թե ինչպես պետք է օգատագործել դիմակը՝ առավելագույն պաշտպանության համար։
Մանրամասները՝ տեսնայութում
