Ազգային ժողով պատգամավոր Նաիրա Զոհրաբյանն անդրադարձել է մթերային խանութներում առկա գնաճին, որին մասին գրում է.
«Ալո, Տնտեսական մրցակցության հանձնաժողով, էս տանը չե՞ք
Կորոնավիրուսային այս ռիթմի տակ, սահուն, աննշմար, ինչպես մութի թեւ, գնաճը Covid-19-ի արագությամբ տարածվում է գրեչկայից մինչեւ էկզոտիկ ավոկադո ու խիստ ազգային պոմիդոր-բիբար։
Նախօրեին Տնտեսական մրցակցության հանձնաժողովի նախագահը մաժոր տրամադրությամբ հայտարարեց, որ գնաճ չկա ու все под контролем.
Քանի օր է սոցիալական ցանցերը ողողված են կորոնավիրուսային ժամանակներում ապրող մեր քաղաքացիների կատարած գնումների զարմացած կտրոններով։
Կոճապղպեղ, նույն ինքը՝ իմբիրը, կիլոգրամը 2900 դրամից մի քանի հարյուր տոկոս աճ է տվել, լիմոնը՝ մի 100 տոկոս աճ, հնդկաձավարը՝ լրջոտ աճ, պոմիդոր-բիբար դուետի մասին արդեն ասեցի։
Եւ քանի որ ցանկություն չկա հատ-հատ թվարկելու բանջարա-բոստանային, ձավարային ու սպառողական զամբյուղի առաջին անհրաժեշտության բոլոր կուլտուրաները, պարզապես կուզենայի իմանալ ո՞ւր է Տնտեսական մրցակցության հանձաժողովը։
Իմացողներին խնդրում եմ ինձ իրազեկել. չեկեր ունեմ փոխանցելու»:
![](https://iravaban.net/wp-content/uploads/2020/03/92052377_693661994787528_8458460068201889792_n.jpg)