Երևանի քաղաքապետ Հայկ Մարությանը ղեկավարվելով Երևան քաղաքի ավագանու 2013 թվականի փետրվարի 12-ի N 604-Ն որոշման N 1 հավելվածի 5-րդ կետի 1-ին ենթակետով.
1. Ամանորի և Սուրբ ծննդյան տոների կապակցությամբ, աշխատանքային ծրագրերի և ծառայողական պարտականությունների արդյունավետ և որակյալ կատարման, ինչպես նաև երկարատև և բարեխիղճ աշխատանքի համար
- Երևանի քաղաքապետարանի աշխատակազմի եկամուտների հաշվառման և գանձման վարչության պետ Արմեն Հարությունյանին,
- Երևանի քաղաքապետարանի աշխատակազմի ֆինանսական վարչության պետ-գլխավոր ֆինանսիստ Վիլեն Արևշատյանին,
- Երևանի քաղաքապետարանի աշխատակազմի մշակույթի և տուրիզմի վարչության պետի տեղակալ Եղիշե Սարգսյանին պարգևատրել է Երևանի քաղաքապետի ոսկե մեդալով:
Ինչպեսև Ամանորի և Սուրբ ծննդյան տոների կապակցությամբ, հասարակական կարգի պահպանության գործում ներդրած նշանակալի ավանդի և բարեխիղճ աշխատանքային գործունեության համար ՀՀ ոստիկանության Երևան քաղաքի վարչության պետի տեղակալ, ոստիկանության գնդապետ Էդգար Պետրոսյանին պարգևատրել է Երևանի քաղաքապետի ոսկե մեդալով:
Որոշումները ստորագրվել են դեկտեմբերի 26-ին և 27-ին:
