Վարչապետի աշխատակազմի ղեկավար Էդուարդ Աղաջանյանը կառավարության հավանությանն է ներկայացրել վիճակախաղերի, շահումով խաղերի, խաղատների և ինտերնետ շահումով խաղերի լիցենզավորման պայմանների ու պահանջների կատարման ստուգաթերթերը հաստատելու մասին նախագիծը:
Նախատեսվում է հաստատել վիճակախաղերի լիցենզավորման պայմանների ու պահանջների կատարման ստուգաթերթերը, շահումով խաղերի և խաղատների լիցենզավորման պայմանների ու պահանջների կատարման ստուգաթերթերը, ինտերնետ շահումով խաղերի լիցենզավորման պայմանների ու պահանջների կատարման ստուգաթերթերը:
Նախագծի հիմնավորման մեջ նշվում է, որ որոշման ընդունմամբ ակնկալվում է ՊԵԿ-ին հնարավորություն ընձեռել վերահսկողություն իրականացնել շահումով խաղերի, ինտերնետ շահումով խաղերի, խաղատների և վիճակախաղերի կազմակերպման գործունեություն իրականացնող կազմակերպիչների կողմից օրենքներին և այլ իրավական ակտերին համապատասխան գործունեություն իրականացնելու նկատմամբ:
