Ինչպես արդեն հայտնել ենք, Ղարաբաղ Տելեկոմի, Վիվասելի, Բիլայնի ու Յուքոմի փոխկապակցման ծառայությունների վճարները կնվազեցվեն։

ՀՀ Հանրային ծառայությունները կարգավորող հանձնաժողովը նոյեմբերի 20-ի նիստին կքննարկի ցանցերում վերջնավորման փոխկապակցման ծառայությունների առավելագույն վճարների կիրառման ժամանակացույցի հաստատման հարցը։

Հաշվի առնելով Հայաստանի Հանրապետության հանրային ծառայությունները կարգավորող հանձնաժողովի, Արցախի Հանրապետության հանրային ծառայությունները և տնտեսական մրցակցությունը
կարգավորող պետական հանձնաժողովի և «ՎԵՈՆ Արմենիա», «ՄՏՍ Հայաստան», «Ղարաբաղ Տելեկոմ» փակ բաժնետիրական ու «Յուքոմ» սահմանափակ պատասխանատվությամբ ընկերությունների միջև 2019 թվականի սեպտեմբերի 6-ին ստորագրված՝ փոխկապակցման վճարների և ռոումինգի ծառայությունների սակագների վերաբերյալ փոխըմբռնման հուշագիրը` ՀՀ հանրային ծառայությունները կարգավորող հանձնաժողովը կորոշի․

• Հաստատել «Ղարաբաղ Տելեկոմ» փակ բաժնետիրական ընկերության հանրային էլեկտրոնային հաղորդակցության ցանցերում սկզբնավորված զանգերի ՀՀ շարժական և ամրակցված հեռախոսակապի օպերատորների հանրային էլեկտրոնային հաղորդակցության ցանցերում վերջնավորման փոխկապակցման ծառայությունների առավելագույն վճարների կիրառման ժամանակացույցը` համաձայն հավելվածի։
• Որոշումն ուժի մեջ կմտնի 2020 թվականի հունվարի 1-ից։