«Պետական պաշտոններ զբաղեցնող անձանց վարձատրության մասին» օրենքով են սահմանվում Սահմանադրական դատարանի դատավորների (անդամների) աշխատավարձի չափը։
Իրավաբան․net-ը հաշվարկել է աշխատավարձերը, որոնք ներառում են նաև եկամտային հարկը։
Սահմանադրական դատարանի նախագահի աշխատավարձը կազմում է 1 միլիոն 58 հազար 240 դրամ:
Աահմանադրական դատարանի անդամի և դատավորի աշխատավարձը՝ 793 հազար 680 դրամ:
Նշենք, որ ՍԴ նախագահի պաշտոնը այժմ զբաղեցնում է Հրայր Թովմասյանը, դատավորներն են Արման Դիլանյանը և Վահե Գրիգորյանը, իսկ անդամները՝ Ալվինա Գյուլումյանը, Արաիկ Թունյանը, Հրանտ Նազարյանը, Ֆելիքս Թոխյանը, Աշոտ Խաչատրյանը և Արևիկ Պետրոսյանը։
Հիշեցնենք, որ Սահմանադրական արդարադատության բարձրագույն մարմինն է, որը պետք է ապահովի Սահմանադրության գերակայությունը: Արդարադատություն իրականացնելիս Սահմանադրական դատարանն անկախ է և ենթարկվում է միայն Սահմանադրությանը:
ՀՀ Սահմանադրական դատարանը հիմնադրվել է 1996թ-ին և առաջին իսկ տարվանից անդամակցել Եվրախորհրդի «Ժողովրդավարություն` իրավունքի միջոցով» եվրոպական հանձնաժողովին (Վենետիկի հանձնաժողով): ՍԴ-ն համակարգում է 1997թ-ին հիմնադրված «Երիտասարդ ժողովրդավարության երկրների սահմանադրական դատարանների կոնֆերանս» միջազգային կազմակերպության աշխատանքները:
2000թ-ին, երբ Հայաստանը դեռ Եվրախորհրդի անդամ չէր, ՍԴ-ն ընտրվել է «Եվրոպական երկրների սահմանադրական դատարանների միջազգային կոնֆերանս» կազմակերպության լիիրավ անդամ:
