Օրինական ներգաղթյալների համար «գրին քարտ» ստանալու պրոցեսը կբարդանա: Այս մասին գրում է The New York Times-ը:
Նախատեսվում է, որ օրենսդրական փոփոխությունները կվերաբերեն այն անձանց, որոնց սննդի կտրոններ և բնակության վայրի վճարման պետական փոխհատուցում է տրվում:
Փոփոխությունները կդանդաղեցնի ներգաղթյալների հոսքն ԱՄՆ և կկրճատի վերաբնակների թիվը: Հավանաբար, այս որոշումը կհանգեցնի նրան, որ աղքատ միգրանտներից շատերը ստիպված կլինեն ընտրություն կատարել ԱՄՆ-ում ֆինանսական օգնություն ստանալու և երկրում օրինական մնալու միջև:
Նշվում է, որ փոփոխությունները չեն առնչվի այն անձանց, որոնք արդեն ստացել են «գրին քարտ»:
