ՀՀ առողջապահական և աշխատանքի տեսչական մարմինը իրազեկում է.

Տեսչական մարմնի 2019 թվականի հուլիսի 1-ի թիվ  01/6412-19 կարգադրագրի (այսուհետ՝ Կարգադրագիր) հիման վրա դադարեցվել է ֆենսպիրիդ պարունակող դեղերի շրջանառությունը և «ՀՀ-ում չգրանցված կամ որակի պահանջներին չհամապատասխանող կամ պիտանիության ժամկետն անցած կամ գրանցումն ուժը կորցրած ճանաչված կամ գրանցումը կասեցված կամ ՀՀ օրենսդրության խախտմամբ ներմուծված դեղերի, կեղծ դեղերի, դեղանյութերի, դեղաբուսական հումքի, հետազոտվող դեղագործական արտադրանքի մասին ահազանգի ծանուցման, շրջանառությունը դադարեցնելու և շրջանառությունից հանելու (հետկանչի) կարգը սահմանելու մասին» ՀՀ կառավարության թիվ 164-Ն որոշման համաձայն ՀՀ տարածքում իրականացվում է ֆենսպիրիդ պարունակող դեղերի հետկանչ։

Տեսչական մարմինը տեղեկացնում է, որ Դեղերի եվրոպական գործակալությունը վերահաստատել է ֆենսպիրիդի QT ինտերվալի երկարացման և կյանքին սպառնացող ռիթմաշեղումների հանգեցնող հնարավոր վտանգի վերաբերյալ հետազոտությունների արդյունքները։

Հաշվի առնելով վերոգրյալը և «Դեղերի մասին» ՀՀ օրենքի 23-րդ հոդվածի 2-րդ կետի պահանջը՝ դեղերի շրջանառությամբ զբաղվող տնտեսվարողներին արգելվում է իրացնել Հայաստանի Հանրապետությունում չգրանցված կամ որակի պահանջներին չհամապատասխանող կամ պիտանիության ժամկետն անցած կամ գրանցումն ուժը կորցրած ճանաչված կամ գրանցումը կասեցված կամ շրջանառությունը դադարեցված (հետ կանչված), Հայաստանի Հանրապետության օրենսդրության խախտմամբ ներմուծված դեղերը, կեղծ դեղերը, դեղանյութերը, դեղաբուսական հումքը, հետազոտվող դեղագործական արտադրանքը։