Երևանի ընդհանուր իրավասության դատարանի դատավոր Դավիթ Գրիգորյանի փաստաբան Գեորգի Մելիքյանը Իրավաբան.net-ի հետ զրույցում հայտնեց, որ դատավորի աշխատասենյակում կատարված խուզարկության ընթացքում ագրավվել են 2-րդ նախագահ Ռոբերտ Քոչարյանի գործին առնչվող փաստաթղթեր և կրիչներ։
«Առգրավվել են դատավորի և նրա օգնականների համակարգիչները։ Հաղորդում եմ ներկայացրել ՀՔԾ-ի և ոստիկանության աշխատակիցների ոչ իրավաչափ գործողությունների վերաբերյալ: Առգրավվել են բացառապես Ռոբերտ Քոչարյանի գործին վերաբերելի փաստաթղթեր և կրիչներ»,-նշեց փաստաբանը:
Ավելի վաղ ՀՔԾ-ից հայտնել էին, որ Հատուկ քննչական ծառայությունում քննվող գործի շրջանակներում խուզարկություն է կատարվել առաջին ատյանի դատավոր Դավիթ Գրիգորյանի աշխատասենյակում:
Հիշեցնենք, որ Դավիթ Գրիգորյանը 2-րդ նախագահ Ռոբերտ Քոչարյանի և մյուսների գործով դատավորն է։
