Այսօր՝ մարտի 14-ին, օպերայի հարակից տարածքներում եղած կառույցների, այդ թվում՝ ապօրինի շինությունների ապամոնտաժման աշխատանքները վերսկսվել են։

Նշված տարածքում գտնվող սրճարանների աշխատակիցները բողոքի ակցիա են կազմակերպել և փորձում են փակել Մաշտոց-Թումանյան խաչմերուկը: Ոստիկանները փորձում են բացել ճանապարհը, սակայն նրանք դիմադրություն են ցույց տալիս: Նրանք փորձում են ցուցարարներին հեռացնել ուժով:

Երթևեկությունը նշված հատվածում կաթվածահար է եղել:

Հիշեցնենք, որ նախօրեին երեկոյան Երևանի քաղաքապետարանում տեղի է ունեցել հանդիպում քաղաքապետարանի համապատասխան վարչության պետերի և Կենտրոն վարչական շրջանի ղեկավար Վիկտոր Մնացականյանի հետ։

Քննարկման ընթացքում քաղաքապետարանի ներկայացուցիչները ևս մեկ անգամ բանավոր ներկայացրել են Օպերայի հարակից տարածքներն ազատելու, կանաչապատ գոտին վերականգնելու իրավական հիմքերը։ Մասնավորապես, հիշեցվել է, որ քաղաքապետարանը սրճարանների նախկին վարձակալներին ավելի քան մեկ ամիս առաջ ծանուցել է սեփական ուժերով տարածքը մաքրելու անհրաժեշտության մասին։

https://www.facebook.com/Iravabannet/videos/1049135585274563/?notif_id=1552546941297786&notif_t=live_video_explicit