Իրավաբան.net-ը պարբերաբար հրապարակում է ինչպես օրենսդիր, այնպես էլ գործադիր մարմնի անդամների Բարձրաստիճան պաշտոնատար անձանց էթիկայի հանձնաժողովին ներկայացրած գույքի և եկամուտների հայտարարագրերը, անդրադառնում օրենքով ստեղծված տարբեր գերատեսչությունների:

Աջափնյակ վարչական շրջանի ղեկավար Գևորգ Բաբայան

Ձեզ ենք ներկայացնում Երևան քաղաքի վարչական շրջանների ղեկավարների գույքի և եկամուտների հայտարարագրերը:

Այսպիսով, Երևան քաղաքի Աջափնյակ վարչական շրջանի ղեկավար Գևորգ Բաբայանը պաշտոնը ստանձնել է հոկտեմբերի 31-ին:

Պաշտոնեական պարտականությունները ստանձնելու օրվա դրությամբ Բաբայանը հայտարարագրել է 3 մեքենա՝ Opel Astra1.4, Vaz2115, Mercedes-Benz C180 մակնիշների:

2018 թվականի հունվարի 1-ից մինչև պաշտոնական պարտականությունները ստանձնելու օրը ստացված եկամուտները կազմել են 2 միլիոն դրամ՝ ստացված աշխատավարձից:

Երևանի Մալաթիա-Սեբաստիա վարչական շրջանի ղեկավար Դավիթ Կարապետյան

Երևանի Մալաթիա-Սեբաստիա վարչական շրջանի ղեկավար Դավիթ Կարապետյանը պաշտոնը ստանձնել է 2018 թվականի հոկտեմբերի 26-ին:

Դավիթ Կարապետյանը պաշտոնեական պարտականությունները ստանձնելու օրվա դրությամբ հայտարարագրել է.

• 2 բնակարան,
• 2 մեքենա՝ Honda Civic 1,8, Nissan Tiida 1.8 i մակնիշների:

Նա նաև հայտարարագրել է 8 միլիոն դրամը գերազանցող կամ դրան համարժեք արտարժույթից ավելի արժեք ունեցող թանկարժեք զարդ (հնաոճ իրեր):

Դավիթ Կարապետյանի դրամական միջոցները կազմել են 14,5 միլիոն դրամ: 

Եկամուտները՝ 2018 թվականի հունվարի 1-ից մինչև պաշտոնական պարտականությունները ստանձնելու օրը ստացված եկամուտները կազմել են 17,6 միլիոն դրամ, որը ստացվել է 2 աղբյուրից՝ ձեռնարկատիրական գործունեություններից:

Դավթաշեն վարչական շրջանի ղեկավար Էդուարդ Թումասյան

Երևան քաղաքի Դավթաշեն վարչական շրջանի ղեկավար Էդուարդ Թումասյանը պաշտոնը ստանձնել է 2018թ. հոկտեմբերի 27-ին:

Պաշտոնեական պարտականությունները ստանձնելու օրվա դրությամբ Էդուարդ Թումասյանը հայտարարագրել է

• բնակարան,
• անհատական բնակելի տուն` հողամասի վրա կառուցված, իր տնտեսական շինություններով կառույց,
• Nissan Altima 2.5 S մակնիշի ավտոմեքենա:

Նրա դրամական միջոցները կազմել են 11 միլիոն դրամ:

Հավելենք, որ արդեն հրապարակվել են Երևանի քաղաքապետի տեղակալների հայտարարագրերը: 

Ալիսա Չիլինգարյան