ԱԱԾ քննչական վարչությունում քննվող քրեական գործով ՀՀ քրեական օրենսգրքի 38-308-րդ հոդվածի 1-ին մասով որպես մեղադրյալ ներգրավված մեղադրյալ Արտյոմ Հարությունովը (առավելապես հայտնի է որպես Արտյոմ Կանևսկոյ) հրաժարվել է, որ իր նկատմամբ քրեական հետապնդումը համաներման հիմքով դադարեցվի։ Այս մասին Իրավաբան.net-ի հետ զրուցում հայտնեց նրա փաստաբան Վարդուհի Էլբակյանը։
Փաստաբանի խոսքով՝ Հարությունովը չի ընդունում իրեն մեղսագրվող արարքը, այս հիմքով էլ համաներման համար համաձայնություն չի տվել:
Հիշեցնենք, որ Արտյոմ Կանևսկոյը հոկտեմբերի 10-ին 20 միլիոն դրամ գրավի դիմաց ազատ է արձակվել։
Նա մեղադրվում է անձնագիր կեղծելուն դրդելու մեջ՝ ՀՀ ՔՕ 38-308–րդ հոդված 1-ին մասի հատկանիշներով (պաշտոնեական լիազորությունները չարաշահելուն դրդելը):
