2016 թվականի նոյեմբերի 29-ին Երևանի ընդհանուր իրավասության դատարան գործ է մուտքագրվել, որով Արսեն Խ.-ին մեղադրանք է առաջադրվել այն բանի համար, որ նա սպառնացել է անչափահաս Թինա Հ.-ին տարածել նրա մերկ լուսանկարները: Գործը մակագրվել է դատավոր Արմեն Բեկթաշյանին:
Հարուցված քրեական գործի մասին տեղեկանում ենք «Դատալեքս» դատական տեղեկատվական համակարգից:
Ըստ մեղադրանքի՝ Արսեն Խ.-ն նկարները ընհանուր հասանելի չդարձնելու դիմաց պահանջել է, որպեսզի աղջիկը նրա հետ սեռական հարաբերություն ունենա:
Նշենք նաև, որ Արսեն Խ.-ն Թինա Հ.-ի հետ հաղորդակցվել է «Ֆեյսբուք» սոցիալական կայքի միջոցով, որով էլ խոստացել էր տարածել նրան լուսանկարները:
Հերթական դատական նիստը նշանակվել է 2019 թվականի հունվարի 9-ին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
