Երևանի քաղաքապետ Հայկ Մարությանը նոյեմբերի 13-ին կարգադրություն է ստորագրել՝ հաշվի առնելով Վարչապետի աշխատակազմի ղեկավարի 2018 թվականի սեպտեմբերի 6-ի հ.02/21.2/29683-18 առաջարկությունը:

Երևան քաղաքի Սարի Թաղի թաղամասում սողանքի հետևանքով 4-րդ կարգի վթարային /մասնագիտացված կազմակերպության կողմից տրված եզրակացություն ունեցող/ բնակելի տների գույքագրման, հաշվառման և փաստաթղթերի հավաքագրման նպատակով՝ ստեղծել աշխատանքային խումբ, հետևյալ կազմով.

Աշխատանքային խմբի ղեկավար

• Վահան Խաչատրյան-Երևանի քաղաքապետարանի աշխատակազմի անշարժ գույքի կառավարման վարչության պետի տեղակալ

Աշխատանքային խմբի անդամներ

• Երվանդ Պողոսյան-Երևանի քաղաքապետարանի աշխատակազմի անշարժ գույքի կառավարման վարչության հողի ընթացիկ հաշվառման և հողօգտագործման բաժնի պետ
• Ռուբեն Խալաթյան-Երևանի քաղաքապետարանի աշխատակազմի անշարժ գույքի կառավարման վարչության հողի ընթացիկ հաշվառման և հողօգտագործման բաժնի գլխավոր մասնագետ
• Արտակ Սարգսյան-Երևանի քաղաքապետարանի աշխատակազմի ճարտարապետության և քաղաքաշինության վարչության առաջատար մասնագետ
• Արսեն Հարությունյան-Երևանի քաղաքապետարանի «Քաղաքաշինություն» ՓԲԸ-ի առաջատար մասնագետ
• Բագրատ Տեր-Թովմասյան-Երևանի քաղաքապետարանի աշխատակազմի շինարարության և բարեկարգման վարչության շինարարության և բարեկարգման բաժնի առաջատար մասնագետ
• Արթուր Հովսեփյան-Երևան քաղաքի Էրեբունի վարչական շրջանի ղեկավարի աշխատակազմի կոմունալ տնտեսության և բազմաբնակարան շենքերի կառավարման մարմինների հետ աշխատանքների կազմակերպման բաժնի առաջին կարգի մասնագետ
• Վարուժան Դավթյան-Երևան քաղաքի Էրեբունի վարչական շրջանի ղեկավարի  աշխատակազմի քաղաքաշինության և հողօգտագործման բաժնի գլխավոր մասնագետ:

Կարագարդության համաձայն աշխատանքային խմբի ղեկավարը կներկայացնի հաշվետվություն կատարված աշխատանքների վերաբերյալ:

Կարգադրության կատարման ընթացքի նկատմամբ հսկողությունն ապահովում է Երևանի քաղաքապետարանի աշխատակազմի քարտուղարը։