Ճանապարհային վճարը Հայաստանի Հանրապետության ընդհանուր օգտագործման պետական ավտոմոբիլային ճանապարհների շինարարության, նորոգման և պահպանման աշխատանքները կազմակերպելու և իրականացնելու համար անհրաժեշտ դրամական միջոցների գոյացման նպատակով պետական բյուջե վճարվող պարտադիր վճար է:Մաքսային մարմինների կողմից ճանապարհային վճարը գանձվում է.
- այլ պետություններում գրանցված տրանսպորտային միջոցներով ավտոմոբիլային ճանապարհներից օգտվելու համար,
- այլ պետություններում գրանցված ծանրաքաշ ավտոտրանսպորտային միջոցներով ավտոմոբիլային ճանապարհներով երթևեկելու համար
1)Այլ պետություններում գրանցված տրանսպորտային միջոցներով ավտոմոբիլային ճանապարհներից օգտվելու համար վճարը յուրաքանչյուր մուտքի համար մաքսային մարմինների կողմից գանձվում է հետևյալ տասնհինգօրյա դրույքաչափերով.
1. Թեթև մարդատար (մինչև 7 նստատեղով) ավտոմեքենաների համար` 10000 դրամ
2. Ավտոբուսների համար`
ա) մինչև 13 նստատեղով 20000 դրամ
բ) 13-ից մինչև 30 նստատեղով 40000 դրամ
գ) 30 և ավելի նստատեղով 60000 դրամ
3. Բեռնատար ավտոմեքենաների և ավտոգնացքների համար `
ա) մինչև 1,5 տոննա բեռնատարողությամբ 15000 դրամ
բ) 1,5-ից մինչև 3 տոննա բեռնատարողությամբ 25000 դրամ
գ) 3-ից մինչև 5 տոննա բեռնատարողությամբ 40000 դրամ
դ) 5-ից մինչև 10 տոննա բեռնատարողությամբ 65000 դրամ
ե) 10-ից մինչև 20 տոննա բեռնատարողությամբ 80000 դրամ
զ) 20-ից մինչև 36 տոննա բեռնատարողությամբ 110000 դրամ
է) 36 և ավելի տոննա բեռնատարողությամբ 150000 դրամ
2) Այլ պետություններում գրանցված ծանրաքաշ ավտոտրանսպորտային միջոցներով ավտոմոբիլային ճանապարհներով երթևեկության վճարը գանձվում է տրանսպորտային միջոցի ընդհանուր զանգվածի և սռնիի (կամրջակի) վրա ընկնող բեռնվածքների համար սահմանված դրույքաչափերի գումարի և ավտոմոբիլային ճանապարհներով տեղափոխման հեռավորության արտադրյալի չափով: Ծանրաքաշ են համարվում այն տրանսպորտային միջոցները, որոնց հետևյալ ցուցանիշներից առնվազն մեկը գերազանցում է`
ընդհանուր զանգվածը` 36 տոննան.
մեկ սռնիով կամրջակի բեռնվածքը` 10 տոննան.
երկու սռնիով կամրջակի բեռնվածքը` 18 տոննան.
երեք սռնիով կամրջակի բեռնվածքը` 22 տոննան:
Երկու կամ երեք սռնիով կամրջակներ են համարվում այն կամրջակները, որոնց հարևան սռնիների հեռավորությունը միմյանցից չի գերազանցում 2,5 մետրը:
36 և ավելի տոննա ընդհանուր զանգվածով (կշռով) տրանսպորտային միջոցների երթևեկության վճարը տեղափոխման յուրաքանչյուր կիլոմետրի համար գանձվում է հետևյալ դրույքաչափերով`
| Տրանսպորտային միջոցի ընդհանուր զանգվածը | Դրույքաչափը |
|---|---|
| 36-ից մինչև 40 տոննա | 110 դրամ |
| 40-ից մինչև 45 տոննա | 130 դրամ |
| 45-ից մինչև 50 տոննա | 155 դրամ |
| 50-ից մինչև 55 տոննա | 175 դրամ |
| 55-ից մինչև 60 տոննա | 220 դրամ |
| 60-ից մինչև 65 տոննա | 265 դրամ |
| 65-ից մինչև 70 տոննա | 310 դրամ |
| 70-ից մինչև 75 տոննա | 375 դրամ |
| 75-ից մինչև 80 տոննա | 440 դրամ |
| 80-ից մինչև 85 տոննա | 550 դրամ |
| 85-ից մինչև 90 տոննա | 770 դրամ |
| 90-ից մինչև 95 տոննա | 1100 դրամ |
| 95-ից մինչև 100 տոննա | 1540 դրամ |
| 100 և ավելի տոննա | 1540 դրամին գումարած 100 տոննան գերազանցող յուրաքանչյուր տոննայի համար` 88 դրամ: |
Մեկ սռնիով կամրջակի վրա 10 տոննայից ավելի բեռնվածքով տրանսպորտային միջոցների երթևեկության վճարը տեղափոխման յուրաքանչյուր կիլոմետրի համար գանձվում է հետևյալ դրույքաչափերով`
| Մեկ սռնիով կամրջակի բեռնվածքը | Դրույքաչափը |
|---|---|
| 10-ից մինչև 10,5 տոննա | 45 դրամ |
| 10,5-ից մինչև 11 տոննա | 110 դրամ |
| 11-ից մինչև 11,5 տոննա | 175 դրամ |
| 11,5-ից մինչև 12 տոննա | 265 դրամ |
| 12-ից մինչև 12,5 տոննա | 375 դրամ |
| 12,5-ից մինչև 13 տոննա | 530 դրամ |
| 13-ից մինչև 13,5 տոննա | 770 դրամ |
| 13,5-ից մինչև 14 տոննա | 1100 դրամ |
| 14-ից մինչև 14,5 տոննա | 1430 դրամ |
| 14,5-ից մինչև 15 տոննա | 1760 դրամ |
| 15-ից մինչև 15,5 տոննա | 2100 դրամ |
| 15,5-ից մինչև 16 տոննա | 2400 դրամ |
| 16 և ավելի տոննա | 2400 դրամին գումարած 16 տոննան գերազանցող յուրաքանչյուր կես տոննայի համար` 45 դրամ: |
Երկու սռնիով կամրջակի վրա 18 տոննայից ավելի բեռնվածքով տրանսպորտային միջոցների երթևեկության վճարը տեղափոխման յուրաքանչյուր կիլոմետրի համար գանձվում է հետևյալ դրույքաչափերով`
| Երկու սռնիով կամրջակի բեռնվածքը | Դրույքաչափը |
|---|---|
| 18-ից մինչև 19 տոննա | 265 դրամ |
| 19-ից մինչև 20 տոննա | 380 դրամ |
| 20-ից մինչև 21 տոննա | 430 դրամ |
| 21-ից մինչև 22 տոննա | 700 դրամ |
| 22-ից մինչև 23 տոննա | 925 դրամ |
| 23-ից մինչև 24 տոննա | 1190 դրամ |
| 24-ից մինչև 25 տոննա | 1540 դրամ |
| 25-ից մինչև 26 տոննա | 1950 դրամ |
| 26 և ավելի տոննա | 1950 դրամին գումարած 26 տոննան գերազանցող յուրաքանչյուր տոննայի համար` 55 դրամ: |
Երեք սռնիով կամրջակի վրա 22 տոննայից ավելի բեռնվածքով տրանսպորտային միջոցների երթևեկության վճարը տեղափոխման յուրաքանչյուր կիլոմետրի համար գանձվում է հետևյալ դրույքաչափերով`
| Երեք սռնիով կամրջակի բեռնվածքը | Դրույքաչափը |
|---|---|
| 22-ից մինչև 22,5 տոննա | 90 դրամ |
| 22,5-ից մինչև 23 տոննա | 110 դրամ |
| 23-ից մինչև 24 տոննա | 175 դրամ |
| 24-ից մինչև 25 տոննա | 265 դրամ |
| 25-ից մինչև 26 տոննա | 395 դրամ |
| 26-ից մինչև 27 տոննա | 550 դրամ |
| 27-ից մինչև 28 տոննա | 705 դրամ |
| 28-ից մինչև 29 տոննա | 880 դրամ |
| 29-ից մինչև 30 տոննա | 1080 դրամ |
| 30-ից մինչև 31 տոննա | 1300 դրամ |
| 31-ից մինչև 32 տոննա | 1540 դրամ |
| 32-ից մինչև 33 տոննա | 1805 դրամ |
| 33-ից մինչև 34 տոննա | 2135 դրամ |
| 34-ից մինչև 35 տոննա | 2650 դրամ |
| 35 և ավելի տոննա | 2650 դրամին գումարած 35 տոննան գերազանցող յուրաքանչյուր տոննայի համար` 55 դրամ: |
