Այսօր ՀՀ Տարածքային Կառավարման և Զարգացման նախարար Սուրեն Պապիկյանի հետ Հրազդանի քաղաքապետարանի աշխատակազմին և ավագանու անդամներին ներկայացրեցինք Հրազդանի քաղաքապետի ժամանակավոր պաշտոնակատար Լիլիթ Ստեփանյանին։
Հանդիպմանը ներկա էր նաև ՀՀ ԱԺ «Ելք» դաշինքի պատգամավոր Սասուն Միքայելյանը։
Ողջունելով և շնորհավորելով Հրազդանի քաղաքապետի ժամանակավոր պաշտոնակատար Լիլիթ Ստեփանյանին՝ իմ գործուն աջակցությունը հայտնեցի նրան։
Մատնանշելով մարզկենտրոն Հրազդանում գոյություն ունեցող խնդիրների ծավալը՝ աղբահանություն, անբարեկարգ փողոցներ և համայնքում առկա այլ խնդիրներ, հույս հայտնեցի, որ Լիլիթ Ստեփանյանի աշխատասիրության և անձամբ իմ աջակցությամբ ամենասեղմ ժամկետներում կունենանք որակապես այլ Հրազդան։
«Կարծում եմ, որ լրջագույն բարեփոխումների կարիք կա և այդ բարեփոխումները պետք է սկսվեն այսօրվանից:
Միաժամանակ իմ անհանդուրժող կեցվածքն եմ ազդարարում իրենց ֆունկցիոնալ, սահմանադրական և օրենսդրական պարտավորությունների մեջ փոքր-ինչ թերացող այն ղեկավարների նկատմամբ, ովքեր տասնամյակներ շարունակ այդ շանսն իրենց ձեռքից բաց են թողել, մեր կյանքի որակի վրա վատթարագույն ազդեցությունն են թողել։ Այլևս այդպիսի կեցվածք չենք հանդուրժելու»,-նշեց Լիլիթ Սռեփանյանը։
