Ինչպես արդեն այսօր հայտնել էինք, Ազգային անվտանգության ծառայության կողմից գործողություններ են սկսվել՝ ապօրինի հարստացածների բացահայտման օպերացիայի շրջանակներում, ինչի մասին դեռևս մայիսի 19-ին նշել էր ԱԱԾ տնօրեն Արթուր Վանեցյանը։
Այսօր` մայիսի24-ին, ԱԱԾ աշխատակիցները ներխուժել են «Նորֆոլկ քոնսալթինգ» ընկերություն: Այս տեղեկությունը Իրավաբան.net-ին հաստատեց Ազգային անվտանգության ծառայության մամուլի կենտրոնի ղեկավար Սամսոն Գալստյանը։ «Այո, կան բերման ենթարկված անձիք»,-նշեց նա։
Ավելի ուշ ԱԱԾ-ն մանրամասներ կհայտնի։
Նշենք, որ «Նորֆոլկ քոնսալթինգ» ընկերությունը գործունեություն է ծավալում ՀՀ սահմանով անցնող ապրանքների մաքսային ձևակերպումների իրականացման ոլորտում։
«Նորֆոլկ Քոնսալթինգ» ՍՊԸ-ի գլխավոր տնօրենը, ըստ ընկերության պաշոնական կայքի, Արմեն Ունանյանն է։
