Ռամկավար Ազատական կուսակցութունը կոչ է անում մայիսի 1-ին ՀՀ Ազգային ժողովի նիստում Նիկոլ Փաշինյանին ընտրել հանրապետության վարչապետի պաշտոնում և նրան պարտականություն տալ, Սահմանադրության համաձայն, ձեռնամուխ լինել ժամանակավոր նոր կառավարության կազմավորմանը։
Կուսակցությունը նաև կոչ է անում Նիկոլ Փաշինյանին գործել միմիայն Սահմանադրության և օրեքնների շրջանակներում և վեր չդասվել օրենքից՝ ինչ էլ որ լինեն իրեն շրջապատող զանգվածների պահանջները,
«Սահմանադրությամբ նախատեսվող բոլոր պարագաներում սերտորեն համագործակցել Հայաստանի Հանրապետության նախագահի, Արցախի Հանրապետության նախագահի, իսկ ազգային-համահայկական կարևորագույն հարցերում՝ նաև Ամենայն հայոց հայրապետի հետ։
Օրենսդրական համապատասխան գործիքների կիրառմամբ ձեռնարկել Ազգային ժողովի ցրման գործընթաց և Հանրապետության նախագահին առաջարկել նշանակել արտահերթ ընտրություններ։
Մինչ այդ ԱԺ նախագահությանը առաջարկել ձեռնարկել ընտրությունների մասին ՀՀ օրենքի բարեփոխման գործընթաց՝ այն համապատասխանեցնելով իսկական ժողովրդավարական չափանիշներին՝ բացառապես համամասնական կարգով ընտրելիություն, ելակետային հավասար պայմաններ բոլոր կուսակցությունների համար, Կենտրոնական ընտրական նոր հանձնաժողովի ստեղծում՝ ապակուսակցական սկզբունքով, ամենախիստ վերահսկողություն սահմանել ընտրություններում ծախսվող գումարների վրա։
Օրենզդրորեն ապահովել Հանրապետության նախագահի իրավասությունների ընդլայնումը՝ երկրի ղեկավարման հիմքում դնելով իշխանության տարբեր թեւերի միջեւ հակակշռման սկզբունքը, նվազեցնելով վարչապետի գերհզոր լիազորությունները», – ասված է հայտարարության մեջ։
