«Մերժիր Սերժին» շարժման ղեկավար Արմեն Գրիգորյանը Հանրապետության հրապարակում մեկնարկած հանրահավաքի ժամանակ նշեց, որ նրան հաճախ են դիմում Արցախի անվտանգության հետ կապված հարցերով: Նա կոչով դիմեց արցախցիներին և նշեց, որ Արցախի գլխավոր մարտահրավերը Սերժ Սարգսյանն էր:
«Սերժ Սարգսյանի կառավարման օրոք Հայաստանից արտագաղթել է 370. 000 քաղաքացի, պետական պարտքը ավելացել է 5 միլիարդով, ՀՀ-ում 1 միլիոն քաղաքացի աղքատության մեջ է ապրում: Սերժ Սարգսյանի վարած արտաքին և ներքին քաղաքականության արդյունքում մենք հայտնվել ենք ապրիլյան պատերազմում և ունեցել ենք մարդկային և տարածքային կորուստներ: Այս բոլոր հանգամանքները հաշվի առնելով՝ կարելի է հստակ պնդել, որ այս շարժումը չեզոքացրել է Արցախի ամենագլխավոր վտանգը: Սա է այն գլխավոր ելակետը, որոնցով պետք է սկսել քննարկել շարժման և Արցախի անվտանգության հարցերը»,-նշեց Արմեն Գրիգորյանը:
https://www.facebook.com/Iravabannet/videos/1222597477843335/
