Վարչապետ Կարեն Կարապետյանը նոր որոշում է ստորագրել, որով Արժույթի միջազգային հիմնադրամի և Համաշխարհային բանկի կառավարիչների խորհրդի գարնանային հանդիպումներին մասնակցելու նպատակով 2018 թվականի ապրիլի 19-22-ը Վաչե Գաբրիելյանը, Ռաֆայել Ավետիսյանը, Արմեն Հայրապետյանը և Լարիսա Հարությունյանը գործուղվում են Ամերիկայի Միացյալ Նահանգներ:
«Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով uահմանված կարգի 121-րդ կետի 3-րդ ենթակետի`
1. Արժույթի միջազգային հիմնադրամի և Համաշխարհային բանկի կառավարիչների խորհրդի գարնանային հանդիպումներին մասնակցելու նպատակով 2018 թվականի ապրիլի 19-22-ը Ամերիկայի Միացյալ Նահանգներ (Վաշինգտոն), ինչպես նաև մի շարք պետական պաշտոնյաների հետ հանդիպելու նպատակով 2018 թվականի ապրիլի 23-26-ը Կանադա (Տորոնտո, Օտտավա, Մոնրեալ) գործուղել պատվիրակություններ՝ համաձայն NN 1 և 2 հավելվածների:
2. Վաչե Գաբրիելյանի և Ռաֆայել Ավետիսյանի՝ Ամերիկայի Միացյալ Նահանգներ (Վաշինգտոն) և Կանադա (Տորոնտո, Օտտավա, Մոնրեալ) գործուղումների հետ կապված ծախսերը, ինչպես նաև Արմեն Հայրապետյանի և Լարիսա Հարությունյանի` Ամերիկայի Միացյալ Նահանգներ (Վաշինգտոն) գործուղման հետ կապված ծախսերը կատարել Հայաստանի Հանրապետության 2018 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին՝ համաձայն փաստացի կատարված ծախսերը հիմնավորող փաստաթղթերի:
3. Հայաստանի Հանրապետության փոխվարչապետ, միջազգային տնտեսական ինտեգրման և բարեփոխումների նախարարին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Ամերիկայի Միացյալ Նահանգներ և Կանադա գործուղումների արդյունքների մասին հաշվետվությունը»,-նշված է որոշման մեջ:
