ՀՀ նախագահ Սերժ Սարգսյանի այսօր ստորագրած հրամանագրի համաձայն ՀՀ  վարչական դատարանի դատավոր Արթուր Պողոսյանի լիազորությունները դադարեցվել են և նա նշանակվել է վարչական վերաքննիչ դատարանի դատավոր։

Իրավաբան.net-ը ձեզ է ներկայացնում նորանշանակ դատավորի կենսագրությունը։

Արթուր Պողոսյանը ծնվել է 1976 թվականին Տավուշի մարզի Դիլիջան քաղաքում։

1994 թվականից մինչև 1999 թվականը սովորել է ԵՊՀ իրավագիտության ֆակուլտետում, որն ավարտել է գերազանցության դիպլոմով։

1999 թվականից մինչև 2001 թվականը ծառայել է ՀՀ Զինված ուժերում։

2002 թվականից մինչև 2005 թվականը հանդիսացել է ԵՊՀ իրավագիտության ֆակուլտետի քաղաքացիական դատավարության ամբիոնի հայցորդ և ստացել իրավաբանական գիտությունների թեկնածուի գիտական աստիճան։

2001 թվականից մինչև 2002 թվականը աշխատել է Տավուշի մարզի Դիլիջան քաղաքի քաղաքապետարանում` որպես քաղաքապետի խորհրդական։

2002 թվականից մինչև 2006 թվականը աշխատել է ՀՀ Նախագահի աշխատակազմի կադրերի վարչությունում` որպես առաջին կարգի մասնագետ։

2006 թվականից մինչև 2007 թվականը աշխատել է ՀՀ Ազգային ժողովի պետական-իրավական հարցերի մշտական հանձնաժողովում` որպես փորձագետ (մասնագետ)։

 2008 թվականից առ այսօր աշխատում է ՀՀ Վարչական դատարանի դատավոր։

2002 թվականից մինչև 2004 թվականը համատեղությամբ աշխատել է Երևանի տնտեսա-իրավագիտական համալսարանի իրավաբանական ֆակուլտետում` որպես «ՀՀ քաղաքացիական դատավարության իրավունք» առարկայի դասախոս։

2006 թվականից մինչև 2008 թվականը համատեղությամբ աշխատել է Ռուս-Հայկական (Սլավոնական) պետական համալսարանի իրավագիտության ֆակուլտետում` որպես քաղաքացիական իրավունքի և քաղաքացիական դատավարության ամբիոնի անդամ« «ՌԴ քաղաքացիական դատավարություն» և «ՌԴ արբիտրաժային դատավարություն» առարկաների դասախոս։

Երկու մենագրությունների և մեկ տասնյակից ավելի գիտական հոդվածների հեղինակ է։