Դատական դեպարտամենտը վիճակագրական տվյալներ է ներկայարցել դատավորների կարգապահական պատասխանատվության վերաբերյալ։

Կարգապահական վարույթ

1. ՀՀ դատավորների ընդհանուր ժողովի էթիկայի և կարգապահական հարցերի հանձնաժողով

2017 թվականի ընթացքում ՀՀ դատավորների ընդհանուր ժողովի էթիկայի և կարգապահական հարցերի հանձնաժողովի կողմից հարուցվել է մեկ կարգապահական վարույթ` նյութական և դատավարական նորմերի ակնհայտ և կոպիտ խախտումներ թույլ տալու հիմքերով:

2016 թվականի ընթացքում ՀՀ դատավորների ընդհանուր ժողովի էթիկայի և կարգապահական հարցերի հանձնաժողովի կողմից հարուցվել է 3 կարգապահական վարույթ, որից 2-ը` դատավորի վարքագծի կանոնի կոպիտ խախտում թույլ տալու հիմքով, մեկ դեպքում` դատավարական նորմերի ակնհայտ և կոպիտ խախտումներ թույլ տալու հիմքով: Հարուցված կարգապահական վարույթներից 1-ը կարճվել է վարույթ հարուցողի կողմից:

2. ՀՀ արդարադատության նախարար

2017 թվականի ընթացքում ՀՀ արդարադատության նախարարի կողմից հարուցվել է մեկ կարգապահական վարույթ` նյութական և դատավարական նորմերի ակնհայտ և կոպիտ խախտումներ թույլ տալու հիմքերով:

2016 թվականի ընթացքում ՀՀ արդարադատության նախարարի կողմից հարուցվել է 5 կարգապահական վարույթ, որից 3-ը` նյութական և դատավարական նորմերի ակնհայտ և կոպիտ խախտումներ թույլ տալու հիմքերով, 2-ը` դատավարական նորմերի ակնհայտ և կոպիտ խախտումներ թույլ տալու հիմքով: Հարուցված կարգապահական վարույթներից 2-ը կարճվել է վարույթ հարուցողի կողմից:

ՀՀ ԱՐԴԱՐԱԴԱՏՈՒԹՅԱՆ ԽՈՐՀՈՒՐԴ

2017 թվականի ընթացքում ՀՀ արդարադատության խորհուրդը քննել է դատավորին կարգապահա­կան պատասխանատվության ենթարկելու մասին 2 միջնորդու­թյուն, որից մեկը բերվել է ՀՀ դատավորների ընդհանուր ժողովի էթիկայի և կարգապահական հարցերի հանձնաժողովի կողմից, իսկ մյուսը` ՀՀ արդարադատության նախարարի: Արդյունքում` 1 դատավորի հայտարարվել է նկատողություն:

Միաժամանակ մեկ կարգապահական գործ, որի հիմքում ընկած է եղել ՀՀ արդարադատության նախարարի կողմից հարուցված կարգապահական վարույթը, կարճվել է:

Նշված ժամանակահատվածում կարգապահական պատասխանատվության կրկնակիության դեպքեր չեն արձանագրվել:

2016 թվականի ընթացքում ՀՀ արդարադատության խորհուրդը քննել է դատավորին կարգապահա­կան պատասխանատվության ենթարկելու մասին 4 միջնորդու­թյուն, որից 2-ը բերվել է ՀՀ դատավորների ընդհանուր ժողովի էթիկայի և կարգապահական հարցերի հանձնաժողովի կողմից, իսկ 2-ը` ՀՀ արդարադատության նախարարի: Արդյունքում` 1 դատավորի հայտարարվել է նախազգուշացում:

Միաժամանակ 3 կարգապահական գործ, որոնցից մեկի հիմքում ընկած է եղել ՀՀ դատավորների ընդհանուր ժողովի էթիկայի և կարգապահական հարցերի հանձնաժողովի, իսկ 2-ի հիմքում` ՀՀ արդարադատության նախարարի կողմից հարուցված կարգապահական վարույթները, կարճվել է (2-ը կարճվել է` բավարարվելով հարցի քննարկմամբ):

Նշված ժամանակահատվածում կարգապահական պատասխանատվության կրկնակիության դեպքեր չեն արձանագրվել:

Իրավաբան.net