Իսպանիայի վարչապետ Մարիանո Ռախոն Կատալոնիայի կառավարությանը անկախությունից հրաժարվելու համար ութ օր է տվել, հակառակ դեպքում նա կդադարեցնի Կատալոնիայի ինքնավարությունը և Մադրիդի կողմից ուղղակի վերահսկողություն կմտցնի, հաղորդում է Reuters-ը:
Կատալոնիայի կառավարությունը մինչ հոկտեմբերի 16-ը պետք է պատասխան տա: Եթե Կատալոնիայի ղեկավար Կառլես Պուչդեմոնը հաստատի, որ ինքը անկախություն է հռչակել, նրան ևս երեք օր կտրվի իրավիճակը շտկելու համար:
Հակառակ դեպքում կկիրառվի 155-րդ հոդվածը, որը թույլ կտա Ռախոին տարածաշրջանային կառավարությունը լուծարել:
