Հոկտեմբերի 4-ին ՀՀ ԱԻՆ փրկարար ծառայության տնօրեն, փ/ծ գեներալ-մայոր Մ.Ղազարյանը պարգևներ հանձնեց հատուկ նշանակության փրկարարական աշխատանքների իրականացման կենտրոնի (ՀՆՓԱԻԿ) փրկարարներին:
Մասնագիտական բարձր պատրաստականության, ծառայողական պարտականությունների կատարման ընթացքում ձեռք բերած հաջողությունների համար, ինչպես նաև արտակարգ իրավիճակների աշխատողի օրվա` սեպտեմբերի 4-ի կապակցությամբ ՀՀ ԱԻ նախարար Դ.Տոնոյանի կողմից ԱԻ նախարարության պատվոգիր ստացավ կենտրոնի 6 աշխատակից:
ՀՀ ԱԻ նախարարի մեկ այլ հրամանով՝ «Անվեհեր փրկարար» մեդալ է շնորհվել ՀՀ ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատի լեռնափրկարար-դեսնատ, փ/ծ ավագ ենթասպա Մ.Անտոնյանին:
ՀՆՓԱԻԿ փրկարարական ջոկատի մեկ այլ լեռնափրկարար-դեսնատ, փ/ծ ավագ ենթասպա Մարինե Զովելյանն արժանացել է «ԵԿՄ 20 տարի» հոբելյանական մեդալի:
ՀՀ ԱԻՆ փրկարար ծառայության տնօրենի կողմից պատվոգիր է ստացել նույն կենտրոնի 3 աշխատակից:
ՀՀ Կոտայքի մարզում՝ Գառնի գյուղի «Մուշեղի ձոր» հատվածում որոնողափրկարարական աշխատանքներին ակտիվ մասնակցելու (մեքենան գահավիժել էր անդունդը, զոհերին ու
![](https://mes.am/files/pics/2017/10/05/10287.jpg)
տուժաներին փրկարարները, վտանգի ենթարկելով սեփական կյանքը ու մեծ դժվարությամբ,
դուրս են բերել ժայռաբեկորների միջից), ինչպես նաև մասնագիտական բարձր պատրաստվածության և բարեխիղճ ծառայության համար ՀՀ ԱԻՆ ՓԾ տնօրենի կողմից պատվոգրով պարգևատրվել է ևս 3 փրկարար:
Մասնակցության հավաստագրեր են հանձնվել նաև այս տարվա սեպտեմբերի 18-21-ը Մոլդովայում անցկացված ԵՄ «ՄՈԼԴԵՔՍ 2017» և սեպտեմբերի 24-30-ը Բոսնիա և Հերցեգովինայում կայացած ՆԱՏՕ-ի «Բոսնիա և Հերցեգովինա 2017» միջազգային դաշտային վարժանքներին ներգրավված երկու տասնյակից ավելի փրկարար ծառայողների, որոնք նշված միջոցառումների ընթացքում աչքի են ընկել մասնագիտական գիտելիքներով ու պատրաստվածության բարձր մակարդակով:
![](https://mes.am/files/pics/2017/10/05/10289.jpg)
![](https://mes.am/files/pics/2017/10/05/10292.jpg)
![](https://mes.am/files/pics/2017/10/05/10294.jpg)