Կառավարության առաջիկա նիստին Հրաչիկ Գևորգյանին, Մարկ Գրիգորյանին, Հայկ Գալստյանին և Ալեքսանդր Հովհաննիսյանին պարտադիր զինվորական ծառայության զորակոչից տարկետում կտրվի։ Այս մասին ասվում է գործադիրի նոր որոշման մեջ, որը պետք է հաստատվի կառավարության փետրվարի 23-ի նիստին։
Նշվում է, որ Հայաստանի Հանրապետության ֆուտբոլի ազգային հավաքական թիմում հանդես եկող Հրաչիկ Գևորգյանը, Մարկ Գրիգորյանը, Հայկ Գալստյանը, Ալեքսանդր Հովհաննիսյանը հանդես են գալիս Հայաստանի Հանրապետության ֆուտբոլի մինչև 21 տարեկանների ազգային հավաքական թիմում: Վերոնշյալի հետ կապված՝ անհրաժեշտություն է առաջացել պարտադիր զինվորական ծառայության զորակոչից նրանց տարկետում տալ մինչև 2019 թվականի ամառային զորակոչը:
