Կառավարության դեկտեմբերի 8-ի նիստին բացասական եզրակացություն կստանա Ազգային ժողովի պատգամավորներ Էլինար Վար­դան­յանի, Վահե Հովհաննիսյանի և Ստեփան Մարգարյանի՝ օրենս­­դրական նա­խա­­ձեռնության կար­­գով ներկա­յաց­րած «Վարչական իրավա­խախ­տումներիվերաբերյալՀայաստանիՀանրա­պե­տության օրենսգրքում փոփոխություն կա­տարելու մասին» Հա­­յաս­­տանի Հանրա­պե­տու­թյան օրեն­­քի նախագիծը:

Նման եզրակացություն կա նիստի օրակարգում, որը կներկայացնի արդարադատության նախարար Արփինե Հովհանիսյանը:

Պատգամավորներն առաջարկում էին նվազեցնել Վարչական իրավախախ­տում­­ների վերաբերյալ Հա­­յաս­­տանի Հանրա­պե­տու­թյան օրենսգրքի 124.7-րդ հոդվածով նախա­տես­­ված՝ ավտոտրանսպորտային միջոցի կամ դրա կցորդի համայնքային վճարովի ավտոկա­յա­նատեղում կայանելու համար օրենքով սահմանված տեղական տուրքը չվճարելու համար տուգանքը՝ 5 հազար դրամի փո­խա­րեն սահմանելով հազար դրամ: Նա­­խագծին կից ներկայացված հիմնավորման մեջ նշված է, որ առաջարկությունը պայ­մա­նա­վոր­­ված է այն հանգամանքով, որ առկա կարգավորումը, Երևան քաղաքի ավագանու որոշ­մամբ հաստատված դրույքաչափերի պայմաններում, հանգեցնում է անհամաչափ մեծ պա­տաս­խանատվության տվյալ իրավախախտման համար:

Ըստ նախարարության՝ նախագծով առա­ջարկ­վող սանկցիայի չափի նվա­զե­ցու­մը կարող է հանգեցնել քննարկման առարկա իրավախախտումների թվի ավե­լաց­ման, ինչ­պես նաև կանխարգելիչ և դաստիարակչական գործառույթի բովանդակազրկման: Տու­գան­քի չա­փը սահմանելիս անհրաժեշտ է նկատի ունենալ նաև հնարավոր կորուստներն ու վարչա­րա­րու­­թյան իրականացման ծախ­սերը:

Ելնելով շարադրվածից, ինչպես նաև իրավական այլ ակտերից կառավարությունը դեմ կարտահայտվի այս նախագծին:

Իրավաբան.net