ՀՀ կառավարությունն այսօր որոշեց ՀՀ ՖՆ Կոտայքի և Նաիրիի տարածքային հարկային տեսչությունները միաձուլման ձևով վերակազմակերպել` կազմավորելով Կոտայքի տարածքային հարկային տեսչություն, իսկ Էջմիածնի և Արմավիրի տարածքային հարկային տեսչությունները միաձուլման ձևով վերակազմակերպել՝ կազմավորելով Արմավիրի տարածքային հարկային տեսչություն:
Նախագիծը ներկայացրեց Ֆինանսների նախարար Գագիկ Խաչատրյանը: Նա ասաց, որ փաթեթի ընդունումը պայմանավորված է հարկային մարմնի կառուցվածքի բարեփոխման անհրաժեշտությամբ: Նշված գործընթացի իրականացումը հնարավոր է դարձել հարկային մարմնում էլեկտրոնային համակարգի ներդրման ու բիզնես գործընթացների բարելավման, ինչպես նաև նպատակային ու հասցեական հարկային հսկողության իրականացման և դրա արդյունավետության բարձրացման շնորհիվ:
Կառավարությունն հաստատեց այս որոշումը:
