«Ես հեռանում եմ համակարգից, հեռանում եմ պատվով և արժանապատվորեն»,- այս մասին ֆեյսբուք սոցիալական ցանցում գրել է ՏԿ և ԱԻՆ Ճգնաժամային կառավարման ակադեմիայի առաջին պրոռեկտոր գնդապետ Սայաթ Շիրինյանը: Նա հավելել է. «Մոտ մեկ տարի աշխատեցի ՏԿԱԻՆ Ճգնաժամային կառավարման ակադեմիայում՝ առաջին պրոռեկտորի պաշտոնում: Կարողություններիս չափով արեցի ամեն հնարավորը, որ արատակարգ իրավիճակների մասնագետներ պատրաստող՝ տարածաշրջանում միակ այս բարձրագույն ուսումնական հաստատությունը լինի հզոր, իսկապես ակադեմիական: Այդ նպատակով վերաշինեցինք թե՛ ակադեմիան, և թե՛ նրա «Լուսակերտ» ուսումնավարժական բազան: Ամեն ինչ արեցինք ակադեմիայի վարկանիշը բարձրացնելու համար, և դա մեզ հաջողվեց: Ակադեմիայի գործունեության մեջ առաջին անգամ ընդունելության քննություններն անցան մրցութային կարգով, և դա այն դեպքում, երբ հանրապետության մյուս բուհերում թափուր տեղեր շատ մնացին: Ակադեմիայի դիմորդների հոսքի աննախադեպ արդյունքը համարում եմ իմ աշխատանքային գործունեության ամենահաջողված իրողությունը»:
«Ես հեռանում եմ համակարգից». ՏԿ և ԱԻՆ Ճգնաժամային կառավարման ակադեմիայի առաջին պրոռեկտոր
