Տեղեկություն կա, որ քիչ առաջ «Նուբարաշեն» ՔԿՀ-ից ազատ է արձակվել Գորիսի «Սդղի գյոլ»-ում տեղի ունեցածի գործով մեղադրյալ Տիգրան Խաչատրյանը, ում հանդեպ որպես խափանման միջոց ընտրված էր կալանավորումը:
Իրավաբան.net-ը տեղեկությունը ճշտելու համար կապվեց Տիգրան Խաչատրյանի փաստաբանի՝ Արմեն Մելքոնյանի հետ, վերջինս դեռ հարցը չլսած ասաց. «Ղեկին եմ, գնում եմ Տիգրանին հանեմ»:
Նշենք, որ երեկ քննչական կոմիտեն միջնորդություն էր ներկայացրել դատախազություն՝ Տ. Խաչատրյանի խափանման միջոց կալանավորումը փոխելու վերաբերյալ: Նշվում է, որ տուժող Հարություն Զաքարյանն իր ցուցմունքը չի պնդել, թե Տիգրանն է իրեն հարվածել: Իսկ գործող մեղադրյալներից Յուրա Մանուչարյանը ինքնախոստովանական ցուցմունք է տվել, որ ինքն է հարվածել Հարություն Զաքարյանին:
Լուսանկարը՝ Ֆոտոլուրի
