Իրավաբան.net կայքի զրուցակիցն է Իրավաբանների հայկական ասոցիացիայի անդամ, Գյումրու հակակոռուպցիոն կենտրոնի ղեկավար, փաստաբան Գայանե Գևորգյանը:

– Ինչո՞վ առանձնացավ 2016թ. թվականը, ի՞նչ ձեռքբերումներ ունեցանք այս տարի: Կայի՞ն բացթողումներ:

– Տարին բավականաչափ խառն էր և’ լավ աոռումով և’ վատ: ամեն պարագայում մաքուր ու ազնիվ աշխատանքի գնահատականն ամենակարևոր ձեռքբերումն էր: բացթողում համարում եմ ոչ պրոֆեսիոնալ մոտեցումը մասնագետների կողմից:

–  Այս տարի, ըստ Ձեզ, ո՞վ էր իր պրոֆեսիոնալիզմով աչքի ընկած մասնագետը (Ձեր ոլորտի):

– Միանշանակ Իրավաբանների հայկական ասոցիացիայի նախագահ Կարեն Զադոյանը` հիասքանչ անձ ու մասնագետ:

– Կա՞յին զավեշտալի դատական գործեր և դատական, իրավական ակտեր:

– Հիշում եմ մի դատական գործ, որի ժամանակ փաստաբանն հայտարարեց, որ իրեն հասկանալ հնարավոր չէ, քանի որ ինքը տիեզերական մտածելակերպի տեր մարդ է, հանդիսանում է ընտրյալ բարձրյալի կողմից:

–  Այս տարվա ընթացքում ի՞նչը Ձեզ ամենից շատ զարմացրեց դատաիրավական համակարգում (նոր օրենքի ընդունում, դատավճիռ, և այլն):

– Դատական ակտ, ըստ որի ապօրինի ապրանքի ներմուծման համար անձին տուգանեցին մոտ 80$:

–  Ի՞նչ կլիներ, եթե Ձմեռ պապը լիներ իրավաբան, ի՞նչ պաշտոն կտայիք նրան:

– Հակակոռուպցիոն խորհրդի նախագահ:

– Ինչպե՞ս, ու՞մ հետ եք նշում Ամանորի և Սուրբ ծննդյան տոները:

– Ընտանիքիս հետ՝ տանը:

– Ամանորի կապակցությամբ խոհանոցում պատրաստողի դերում հայտնվու՞մ եք:

– Այո, իհարկե:

– Ի՞նչ ակնկալիքներ կան 2017-ից:

– Քանի որ տարին իմն է սպասում եմ փոփոխություններ` իհարկե ջանքերի արդյունքում:

– Ի՞նչ եք խնդրել Ձմեռ պապիկից:

– Եթե ասեմ կարող է չբերի:

Գ.Թ.

Իրավաբան.net