Մինչ այս տեղեկացրել էինք, որ Սևանի ՃՈ հենակետի մոտ երրորդ գծով երթևեկելու դեպքում վարորդները հաճախ ստիպված են լինում խախտել ճանապարհային նշանը: Այստեղ երթևեկության երրորդ գոտին միայն շրջադարձ կատարելու համար է: Վարորդները մինչ այս երթևեկում են այս գոտով, այնուհետև ստիպված խախտում կանոնը՝ ուղիղ գնալով կամ էլ շրջադարձ կատարում:
ՃՈ-ից փոխանցեցին, որ մեր հրապարակումն ուսումնասիրել են ու դիմել Կապի և տրանսպորտի նախարարությանը խնդրին թերությունը վերացնելու նպատակով: Թեև մեզ դիմած վարորդներն առաջարկում էին նշանը տեղադրել շրջադարձ կատարելու հատվածից մի քանի մետր հեռավորության վրա, որ ստիպված չլինեն խախտել կանոնները և տուգանվել դրա համար, սակայն ՃՈ-ից տեղեկացրին, որ խնդիրներ առաջացել են այս հատվածում տնկված թփերի հետ, որոնք տեսանելի են դարձնում նշանը:
Բացի այդ, մենք նաև արձանագրել էինք, որ այս հատվածում վարորդներին ողջունող և զգուշացնող պաստառներով սյուների վրա դրված է տեսախցիկ, ՃՈ-ից հաստատեցին այն հանգամանքը, որ այս տեսախցիկը տարածքի վերահսկման համար է նախատեսված, ոչ թե խախտումների արձանագրման:
Կարդացեք նաև՝ Սևանի ՃՈ հենակետի մոտ վարորդները հաճախ ստիպված խախտում են կատարում
