Մայիսի 29-ին՝ ուրբաթ, ժամը 13:29, Վանաձորի, Գյումրիի, Արմավիրի ու Գավառի քաղաքացիական երիտասարդական կենտրոնները (ՔԵԿ) միաժամանակ կազմակերպեցին ակցիա` քաղաքի բանուկ խաչմերուկներում պարզելով երթևեկությունը կարգավորող նշաններ:
Մարզային կենտրոնների անդամներն ու վտանգավոր երթևեկությամբ մտահոգ երիտասարդները, պարզելով լուսացույցերի ու հետիոտնային անցումների նշանները պատկերող պաստառներ, կանգնեցին քաղաքի այն խաչմերուկներում, որտեղ չկան լուսացույցեր կամ գծանշված անցումներ: Ակցիայի մասնակիցները 29 րոպե «փոխարինեցին » լուսացույցերին ու չգծանշված անցումներին՝ հետիոտների համար ապահովելով անվտանգ երթևեկություն:
Ակցիայի նպատակն էր ուշադրություն հրավիրել խնդրի վրա՝ հորդորելով պատասխանատու կառույցներին երթևեկությունը դարձնել անվտանգ: ՔԵԿ անդամները հետևողական են լինելու խնդրի լուծմանը:
Գյումրիի, Վանաձորի, Արմավիրի և Գավառի քաղաքացիական երիտասարդական կենտրոններ
