Մայիսի 26-ին ոստիկանության պետ Վլադիմիր Գասպարյանն անցկացրել է աշխատանքային խորհրդակցություն, որի ընթացքում քննարկվել են գյուղատնտեսական աշխատանքների և հատկապես գյուղմթերքի իրացման շրջանում հողագործներին ցուցաբերվելիք օժանդակության և աջակցության խնդիրները: Այս մասին Իրավաբան.net-ին տեղեկացնում են ՀՀ ոստիկանությունից:
Աղբյուրը հաղորդում է՝ Ոստիկանության պետը ճանապարհային ոստիկանության, պարեկապահակային ծառայության և համապատասխան տարածքային բաժինների պատասխանատուներին կարգադրեց բացառել բերքը շուկա տեղափոխող հողագործներին խոչընդոտելու ցանկացած դեպք, անհրաժեշտության դեպքում աջակցել նրանց ինչպես ճանապարհներին, այնպես էլ համայնքներում, արձագանքել բոլոր դիմումներին ու խնդրանքներին:
Ըստ տեղեկատվության՝ Վլադիմիր Գասպարյանն ընդգծել է, որ անցումն աշխատանքային այսպիսի ռեժիմի ոստիկանության և՛ ծառայողական, և՛ քաղաքացիական պարտքն է հողագործին, որն իր դժվար աշխատանքով երկիր է կերակրում:
