«Մեզ նախագահականից ասում էին, որ պետք չի հացադուլ սկսել, այնուամենայնիվ մենք վաղվանից ընտանիքով նստում ենք անժամկետ հացադուլի, որպեսզի մեր ձայնը հասցնենք հանրապետության նախագահին, որովհետև առաջին մեր հույսը նա է»,- այսօր` նոյեմբերի 11-ին ՀՀ նախագահականի դիմաց նման հայտարարություն արեց առանձնապես խոշոր չափերով կատարված գողության մեջ մեղավոր ճանաչված Ա․Ա․-ի հայրը` Լավրենտի Առուշանյանը:
Հիշեցնենք` Աշոտ Աշուշանյանի գործն այս պահին գտնվում է Վերաքննիչ քրեական դատարանում: Նախորդ դատական նիստին, որը տեղի ունեցավ նոյեմբերի 4-ին, ավարտվեց դատաքննության փուլը, սպասվելիք նիստին ճառով պետք է հանդես գան ամբաստանյալի փաստաբան` Լիպարիտ Սիմոնյանը և մյուս կողմերը (Ա․Ա․-ի և Էդգար Կարաքեշիշյանի դատավարությանը կարող եք ծանոթանալ` այստեղ):
Այսօր ՀՀ նախագահականի դիմաց ակցիա էին կազմակերպել Ա․Ա․-ի ընտանիքի անդամները, նրա հազատներն ու հարևանները: Լավրենտ Առուշանյանը փաստաբան Լիպարիտ Սիմոնյանի հետ ՀՀ նախագահ Սերժ Սարգսյանին հասցեագրված նամակը հանձնեց համապատասխան բաժնում. «Միայն հանրապետության նախագահի խիստ հսկողության արդյունքում Վերաքննիչ դատարանը կկայացնի արդար դատավճիռ»,- նամակը հանձնելուց հետո հայտարարեց պարոն Առուշանյանը: Այնուհետև ակցիայի մասնակիցները գնացին ԱԺ` նամակներ հանձնելու խորհրդարանական խմբակցություններին:
Կարդացեք նաև` Լարված իրավիճակ դատարանում. ամբաստանյալի հորն ու մորը դուրս հրավիրեցին նիստերի դահլիճից
