Գյումրու քաղաքապետի «Մայր Հայաստան» դաշինքի թեկնածու Կարեն Սիմոնյանը մարտի 2-ին ԿԸՀ-ին է ներկայացրել գույքի և եկամուտների հայտարարագիրը։
Iravaban.net-ի փոխանցմամբ՝ նա հայտնել է, որ ամուսնացած է, «Քարհատ մեքենա» ՓԲԸ-ի տնօրենն է, «Կումայրի գրուպ» ՍՊԸ-ի և «Էկոնովա» ՍՊԸ-ի հիմնադիրը։
Եկամուտներ
«Քարհատ մեքենա» ՓԲԸ-ից ստացել է աշխատավարձ՝ 2,400,000 դրամի չափով։
«Կումայրի գրուպ» ՍՊԸ-ից ստացել է շահաբաժին՝ 6,100,000 դրամի չափով։
Դրամական միջոցները հայտարարագիրը ներկայացնելու օրվա դրությամբ
150,000,000 դրամ կանխիկ գումար, 1,000,000 դրամ անկանխիկ գումար, 15,000 դոլար, 8000 եվրո, 98000 ռուբլի կանխիկ գումար։
Արժեթուղթ և այլ ներդրում
«Քարհատ մեքենա» ՓԲԸ-ից ունի բաժնեմաս՝ 100%-ի չափով, «Կումայրի գրուպ» ՍՊԸ-ից՝ 50%-ի չափով և «Էկոնովա» ՍՊԸ-ից՝ կրկին 100%-ի չափով։
Անշարժ գույք
Համատեղ սեփականության իրավունքով Կարեն Սիմոնյանը ունի բնակարան՝ Գյումրիում։
Ունի 3 արտադրամաս՝ միանձնյա սեփականության իրավունքով։
Հայտարարագրված է նաև պահեստ և կաթսայատուն։
Շարժական գույք
Ներկայացված է BMW X5 Drive` թողարկված 2015 թվականին։
Նշենք, որ հայտարարագիրը ներկայացված է 2024 թվականի փետրվարի 1-ից 2025-ի փետրվարի 1-ն ընկած ժամանակահատվածի դրությամբ։
