Ալիևը ԱՄՆ նախագահ Ջո Բայդենի հատուկ օգնական Մայքլ Քարփենթերի հետ բանակցությունների ժամանակ ասել է, որ այն փաստը, որ Հայաստանը խաղաղության համաձայնագրի տեքստի վերաբերյալ իր վերջնական առաջարկներն ուղարկել է միայն 70 օր անց, որոշակի հարցեր է առաջացնում գործընթացն առաջ տանելու ՀՀ-ի մտադրությունների վերաբերյալ, այս մասին հաղորդում են ադրբեջանական լրատվամիջոցները։
Ադրբեջանի նախագահը, նշելով, որ Ադրբեջանի դեմ Հայաստանի սահմանադրական պահանջները հանդիսանում են խաղաղության պայմանագրի ստորագրման հիմնական խոչընդոտը, ընդգծել է, որ «մեր երկիրը շարունակելու է վճռական քայլեր ձեռնարկել այդ գործընթացն առաջ մղելու համար»։
Քարփենթերը ընդգծել է, որ ԱՄՆ-ն աջակցում է Հայաստանի և Ադրբեջանի միջև խաղաղ պայմանագրի վաղ ստորագրմանը և նշել, որ ներկա պայմաններում դրա համար կան պատմական հնարավորություններ։
